Өскемен мен ШҚО Әр қалада бір ХҚО-да тек бір терезе жұмыс істейді
ҚР Президенті Қасым-Жомарт Тоқаевтың тапсырмасы бойынша Қазақстанда коронавирус инфекциясының таралуын болдырмау мақсатында барлық халыққа қызмет көрсету орталықтарының жұмысы тоқтатылды
Азаматтар қызметтерді тек электронды форматта алады.
- 30 наурыздан бастап Өскемен қаласында дайын құжаттарды берудің бірыңғай терезесі тек Белинский көшесі, 37а мекенжайында орналасқан ХҚО жұмыс істейді, - деп мәлімдеді "Азаматтарға арналған үкімет" МК ШҚОФ баспасөз қызметі. - Бұл жерде өскемендіктер онлайн форматта ресімделген мемлекеттік қызметтің дайын нәтижесін ала алады. eGov порталында қызмет нәтижесі қағаз түрінде берілетін 23 түрлі мемлекеттік қызмет бар.
Мамандандырылған ХҚО-да да дайын құжаттарды беру терезелері ғана жұмыс істейді, онда автокөлігін қайта тіркеуге қойған немесе жүргізуші куәлігін онлайн ауыстырғандар дайын құжаттары мен мемлекеттік тіркеу нөмірін ала алады.
Семей қаласының ХҚО-да, сондай-ақ барлық аудандарда дайын құжаттарды берудің тек бір ғана терезесі жұмыс істейді.
- Қызмет алушылардың дайын құжаттарын беру жұмысына "Азаматтарға арналған үкімет" мемлекеттік корпорациясының 400-ге жуық қызметкері тартылған. Олардың барлығы қорғаныс және дезинфекция құралдарымен жабдықталған, - деп мәлімдеді баспасөз қызметі. - Дайын құжаттарды беру терезелерінің жұмыс кестесі: дүйсенбі-жұма 9.00-ден 17.00-ге дейін. Сенбі – сағат 9.00-14.00 аралығы. Дайын құжаттарды беруге арналған қалалық және аудандық бөлімдердің тізімін төменнен немесе gov4c.kz сайтынан көруге болады.
Айта кетейік, 21 наурызға дейін халыққа қызмет көрсету орталықтарына өтініш тапсырған азаматтар дайын нәтижелерін 28 наурызға дейін алғаш жүгінген ХҚО-дан ала алады.
