Өскемен мен ШҚО Автобөлшектерді арзан бағамен алмақ болып алаяқтың арбауына ілікті
MITSUBISHI PADJERО көлігін жаңалап алмақ болған көлік иесі өзі танымайтын адамның есепшотына қомақты қаржы аударып жіберген
13 ақпан күні көлік иесі дәмханада бір ер адаммен танысқан. Ол тез арада көлік қозғалтқышының бөлшектерін жеткізіп беруге уәде еткен. Дастархан үстінде жыға танымайтын адамға 366 800 теңгені санап берген қала тұрғыны артынан сан соғып қалған.
Бірақ өзінің алаяқтың арбауына түскенін кеш білген ол сонда да тәртіп сақшыларына көмекке жүгінеді. Ал полиция қызметкерлері қаскөйді қолға түсірді. Ол 32 жастағы Риддер қаласының тұрғыны, өзі де әрекетін мойындады.
- Қазіргі уақытта ҚР ҚК 190-бабы 1-бөлігі бойынша сотқа дейінгі тергеу жүріп жатыр, - дейді облыстық Полиция департаментінің баспасөз қызметі.
