Өскемен мен ШҚО Өскеменде жодлағы шұңқырларды суық асфальтпен жамап жатыр
Бұл тас жолда толыққанды жөндеу жұмыстарын жөндегенге дейін уақытша жасалған жедел әрекет
Көктем шығып, қар ерігеннен кейін көп көшелердегі жолдармен жүру мүмкін болмай қалды. Қар астында жатқан шұрық тесік қайта көрініп жатыр. Бұл көлік жүргізушілеріне көп қиындық тудырып отыр.
Коммуналды қызметкерлер шұңқырларға суық асфальт төгіп, дефектілерді жөндеп әлек. Әсіресе, Ертіс көпірі, Виноградов, Қабанбай батыр және Қазақстан көшелеріндегі жолдар қолға алынды.
- Ешқандай дайындықсыз, битумды асфальт шұңқыр үстіне құйылады. Ал тесіктерді бітеп жөндеу кезінде алдымен шұңқыр тегістеледі, тазалап, битум құйылады, кейін асфальт төселеді, - дейді Өскемен қаласы әкімінің орынбасары Тамара Рахымжанова. - Биыл көктем ерте шығып, бұл жұмыстар да ерте басталып кетті. Үш-төрт аптада қала жолдары толығымен ретке келтіріледі деп ойлаймын.
Әкімнің орынбасары жазда Қабанбай батыр, Виноградов, Бажов көшелері мен ҮМЗ маңындағы айналма жолда орташа жөндеу жұмыстары басталатындығын айтты.
