Өскемен мен ШҚО Қолтаңбасыз банкноттар жарамды ма?
Қазіргі уақытта айналыста Ұлттық Банк Төрағасының қолтаңбасы қойылған, сол сияқты қолтаңбасы қойылмаған 2012 жылғы үлгідегі номиналы 2000 теңгелік банкноттар бар
- Қазақстан Республикасының Ұлттық Банкі Ұлттық валюта – Қазақстан теңгесі банкноттары мен монеталары дизайнының тұжырымдамасына сәйкес Ұлттық Банк Төрағасының Қазақстан теңгесі банкноттарында қолтаңбасының қойылуы туралы талаптың 2016 жылдан бастап алып тасталғанын еске салады, - деп мәлімдеді Ұлттық банктің аймақтық филиалы.
Бұл банкноттар заңды төлем құралы болып табылады және төлемнің барлық түрі бойынша қабылдануға міндетті. Сұрақтар туындаған жағдайда Ұлттық Банкінің Шығыс Қазақстан филиалына +7 (7232) 56-06-82, 56-06-70 телефондары бойынша хабарласуға болады.
