ШҚО-да қаршадай қыз қарда жүретін көлік астында қалды

Қайғылы жағдай туралы полиция қызметіне 5 ақпан күні белгілі болған. Оқыс оқиға Глубокое ауданындағы Малоубинка ауылында орын алды

Сағат 21.00-де ауыл тұрғыны "Ямаха" қарда жүргіш көлігімен аударылып қалғаны туралы ақпарат Глубокое аудандық полиция бөлімінің кезекші бөлімшесіне түскен.

Анықталғандай, 35 жастағы ауыл тұрғыны қарда жүргіш көлігімен серуенге шыққанда өзінің 8 жастағы қызын да ертіп алған. Бір сәтке тізгінге ие бола алмай қалғанда көлік аударылып, қызы астында қалған. Өкінішке орай, ауыр жарақаттанған бала оқиға орнында көз жұмды.

- Қазіргі уақытта оқиғаның мән-жайы анықталу үстінде. Қажетті сараптама белгіленді. Тергеу жалғасуда, - деп мәлімдеді ШҚО Полиция департаментінің баспасөз қызметі.

Біздің Telegram арнамыздағы ең маңызды нәрселер

Тақырыптар: Погибла девочка Придавило снегоходом Опрокинулся снегоход Несчастный случай в ВКО