Өскемен мен ШҚО Мемлекетаралық іздеу жарияланған қылмыскер Өскеменнен ұсталды
Күдікті қаладағы үйлерді тонау бойынша 10 іске қатысы бар деген болжам бар
Үлбі ауданындағы үйлерде тонау әрекеттерінің алдын алу шараларын жүргізу кезінде тәртіп сақшылары 46 жастағы ер адамды тұтқындаған.
Тексеріс барысында бұл азаматтың мемлекетаралық әздеуде жүргені анықталды.
Өскемен қалалық ПБ баспасөз қызметі хабарлағандай, күдіктінің 10 қылмыстық іске қатысы бар-жоғы анықталу үстінде.
Қаңтар айының басында Үлбі ауданындағы тұрғындардан көлікжайларын тонау бойынша бірнеше арыз түскен. Негізінен көлікжайда тұрған тұрмыстық және шаруашылық заттар жоғалған.
- Осылайша тұрғындарға жалпы 1 млн 200 мың теңге шығын келтірген. Қазіргі таңда күдікті уақытша қамау изоляторына тоғытылған. ҚР ҚК 188-бабы 3-бөлігі бойынша сотқа дейінгі тергеу басталды, - дейді Өскемен қалалық ПБ басшысы полиция полковнигі Даур Ибраев.