Өскемен мен ШҚО Мас жүргізуші куәлігінен жеті жылға айырылды
Жаңа ҚР Заңнамасына сәйкес заң бұзған Өскемен қаласының тұрғынына осындай жаза тағайындалды
12 қаңтарда түнгі уақытта ереже бұзған "ГАЗ-31105" автокөлігінің жүргізушісі тәртіп сақшыларының қолына түскен.
- 39 жастағы жүргізушіге қатысты әкімшілік хаттама толтырылды. Сот үкімі бойынша ол 15 тәулікке әкімшілік қамауға алынды. Заңнамаға жақында енгізілген өзгерістерге байланысты ол енді куәлігін жеті жылдан кейін ғана қалпына келтіреді, - деп түсіндірді Өскемен қалалық Полиция басқармасының баспасөз қызметі.