Өскемен мен ШҚО Өскемендік азамат "Спортмастер" дүкенін тонаған
Ол құны 41 мың теңге тұратын спорттық кроссовканы жымқырып кеткен
Белгісіз біреудің сөреден аяқ киім ұрлап кеткені туралы 5 қаңтар күні полиция қызметіне дүкен директоры хабарлаған.
Аяқ киімнің ұрланғаны туралы бірден белгілі болмаған: 30 желтоқсан күні шамамен сағат 15.45-тен 15.55-ке дейінгі уақытта ер адам жаңа кроссовканы киіп, ескісіе қорапқа салып кеткен.
Ертіс аудандық полиция бөлімінің қызметкерлері бейнекамералардың арқасында күдіктіні анықтап, қолға түсірді. Ол 40 жастағы қала тұрғыны екен, ісін мойындады.
- Бұл бірінші рет емес. Бейнекамералардың арқасында бұған дейін де осы сынды қылмыстар тез арада ашылып отырған, - Өскемен қалалық Полиция басқармасының басшысы Даур Ибраев.
Қазіргі таңда осы іске қатысты сотқа дейінгі тергеу басталды.
Күдікті өзіне жаңажылдық сыйлық жасамақ болған екен. Енді ол үшін 1 мың АЕК көлемінде айыппұл арқалайды.
