Өскемен мен ШҚО ШҚО-да жаңа май зауыты ашылады
Глубокое ауданында жаңа май зауыты пайда болатындығы туралы аудан әкімі журналистермен өткізген баспасөз конференциясы барысында мәлімдеді
Биылдан бастап "ALTYN Shyghys" ЖШС кәсіпорны жылына 100 мың тонна май өндіретін "Май экстракциялық зауытын салу" жобасын бастапты. Объектіні 2022 жылы пайдалануға беру жоспарланған. Қазіргі уақытта жобаға 200 млн теңге құйылған.
- Бұл облыстағы маңызы зор жобалардың бірі, - деді Глубокое ауданының әкімі Қалиқан Байғонысов. - Инвесторлардың өздері күніне 250-300 тонна май өндіре алатындықтарын айтуда. Бұл дегеніміз, 14-15 вагон шамасында.