Өскемен мен ШҚО Новаторовтағы Махаббат аллеясы абаттандырылады
Қала әкімі Жақсылық Омардың айтуынша, қала тұрғындарының сүйікті демалыс орны Абай Құнанбаевтың мерейтойына орай жаңартылмақ
Бұл жердегі орындықтар мен тас мүсіндердің бояуы оңып, сыны кетіп тұрғалы біраз болды. Бұрынғыдай жас жұбайлар да той кезінде бұл жерге келіп лав-стори түсіруге аса құлықты емес.
Бұл серуен орнын толықтай жөндеу қажет.
- Махаббат аллеясын жаңарту бойынша жоба бар, - деді Жақсылық Омар қала халқымен кездесулердің бірінде. - Аллеяны жақсы жасады, бірақ артынша ұмыт қалды. Келесі жылы ақынның мерейтойына орай Абай аллеясын жасауды жоспарлап отырмыз. Алдымен жобаның нобайын жасап алып, облыс әкімінің рұқсатын алуымыз керек. Жоабалушылар жұмыс істеп жатыр.
Алайда сәуір айында қалалық ТҮКШ аллеяны жөндеуді жоспарлап отырғанын хабарлаған. Тіпті, мүсіндерді жөндеу мен сырлауға қаржы сұрауға құжаттар дайындап бастаған. Бірақ енді жағдай өзгеріп қалды.
Естеріңізге сала кетсек, бұл аллея 2011 жылы ашылған. Бірақ бір жыл өткеннен кейін-ақ оның қирай бастаған: шамдар дұрыс жанбайды, жаяужол тақтасы қирап, мүсіндердің бояуы кете бастаған... Биліктегілер де әр кезде аллеяны жөндеуге уәде беруден жалықпай келеді.