Фаст-фудсүйер курьердің пиццасын тартып алды

Түн ортасында үйге дейін тамақ жеткізіп беруші қызға шабуыл жасалған

Полиция қызметіне шағымданған қыз түн ортасында өзіне белгісіз ер адамның тап бергенін және ұрып, қолындағы 2500 теңге тұратын пиццаны тартып алған.

Ұрыны ұстауға кезекшілікте болған полицияның жеке құрамы жұмылдырылды. Көп ұзамай тәртіп бұзған 18 жастағы облыс орталығының тұрғыны қолға түсті.

- Жас жігіт ұрлық жасағанын мойындады. Пиццаны жеп үлгерген екен, тек бос қорабы табылды, - деп мәлімдеді ШҚО ПД баспасөз қызметі.

Енді осы фактіге байланысты ҚР ҚК 191-бабы бойынша қылмыстық іс қозғалды.