Өскемен мен ШҚО ШҚО-да БЦЖ вакцинациясы қайта егіле бастады
Туберкулезге қарсы екпелер үшін бұрын жарамсыз болып есптелген жапон өндірісінің препаратын пайдаланамыз
Тамыз айында Қазақстанның барлық перзентханалары мен емханаларында туберкулез ауруына қарсы вакцинация тоқтатылды. Дүниежүзілік денсаулық сақтау ұйымы, сондай-ақ ҚР Денсаулық сақтау министрлігі тауарлар мен қызметтердің сапасы мен қауіпсіздігін бақылау комитетінің дәрілік заттар мен медициналық бұйымдарды сараптау ұлттық орталығы тиісті талдаулар мен сараптамалар жүргізіп, вакцина пайдалану үшін қауіпсіз деген қорытындыға келді, деп хабарлайды Устинка LIVE тілшісі.
- Еліміздің барлық өңірлеріндегі Денсаулық сақтау басқармасы ҚР Денсаулық сақтау министрлігінен БЦЖ вакцинациясы жаңартылатыны туралы қызметтік хат алды, - деп хабарлады ШҚО денсаулық сақтау басқармасының баспасөз қызметі. - Атап айтқанда, жапон өндірісінің еріткіші бар № 1620, 1637, 1649, 1651 сериялы БЦЖ вакцинасының айналымы жаңартылады.
Осыған байланысты вакцинация тоқтатылған кезде туған балалардың ата-аналарына екпе алу үшін тұрғылықты жері бойынша емханаларға баруы қажет
