Қазақстан Ресей жерінен қазақстандық жауынгерлердің Екінші дүниежүзілік соғыс кезіндегі сүйектері табылды
Бұл туралы ақпарат Қазақстан Қорғаныс министрлігі Ресейдің қорғаныс ведомствосынан алды, деп хабарлайды Sputnik Қазақстан сайты
- Тізімде 73 қазақстандық бар. Қазақстанның әр облыстарынан, қалаларынан және ауылдарынан келген қатардағы жауынгерлер, ефрейторлар, сержанттар, капитандар мен старшиналар Иваново, Комсомольск, Кохма, Пучеж, Кинешма, Тейково қалаларындағы зираттарда, сондай-ақ Ивановка облысындағы №1 және 2 әскери зираттарда жерленген, - деп мәлімдеді Қорғаныс министрлігі.
Солдаттар туралы мәліметтер Ивановск облысының әскери комиссариатынан алынды. Бұған дейін бұл сарбаздардың қаза тапқан және жерленген жерлері белгісіз болған.
- Мүмкін, бұл мәліметтер қазақстандықтардың жақындарын табуға көмектеседі, - деп атап өтті Қорғаныс министрлігі.
Қазақстанның Қорғаныс министрлігі өңірлерде жергілікті әскери басқару органдары арқылы қаза болғандардың туыстарын іздестіру жұмыстарын жүргізуде.
