Өскемен мен ШҚО Полиция қызметкері өлмек болған тұрғынды құтқарып қалды
Бес қабатты үйдің шатырына шығып алған жігіт өмірмен қош айтыспақ болған
5 қыркүйек күні таңертең полиция қызметіне хабарласқан куәгерлердің бірі көпқабатты үйдің шатырында жас жігіт тұрғанын айтқан.
Хабарласқа ер адам ол жігіттің қасына ешкімді жолатпай қойғанын ескерткен.
Көрсетілген мекенжай бойынша дереу жеткен полиция қызметкерлері – полиция аға лейтенанты Ануар Бақтияров пен Дамир Серіков.
Полиция қызметкерлері 5-қабатқа көтеріліп, шатыр шетінде мойнына арқан тағып алып отырған жігітті көрген. Жігітті құтқару үшін қызметкерлер екіге бөлініп, Ануар Бақтияров жігіттің алдынан келіп, әңгімеге тартқан. Сол сәтте артқы жағынан білдіртпей жеткен Дамир Серіков азаматты құтқарып қалған. Анықталғандай 31 жаста,ы тұрғын мас болған және өзінің ессіз әрекетіне түсінік бере алмады.
- Осылайша тәртіп сақшыларының ұйымдасқан әрекентінің арқасында тағы бір адам аман қалды, - дейді Өскемен қалалық Полиция басқармасының басшысы Даур Ибраев.
Следующая →
