Өскемен мен ШҚО Баспанасы жоқ адамдарға көмек көрсетуде
Пробация қызметінің басты міндеттерінің бірі - қоғамнан оқшаулаумен байланысты емес жазаға тартылған адамдарға әлеуметтік құқықтық көмек көрсету және алғаш әңгімелесу барысында сотталған қандай көмекке мұқтаж екендігін анықтау болып табылады
Мысалы, ағымдағы жылдың тамыз айында Солжағалау аудандық пробация қызметі бөлімінің есебіне сотталған азаматша А. есімді азаматша тіркеуге тұрды. Профилактикалық әңгіме жүргізу барысында оның баспанасыз екендігі анықталды.
- Осыдан кейін Белоусовка кентінде орналасқан "Өмірлік қиын жағдайға тап болған азаматтарды қайта әлеуметтендіру" КММ-ге осы азаматшаға баспана берулері туралы сұраным жіберілді, - дейді ШҚО бойынша ҚАЖД Солжағалау аудандық пробация қызметінің инспекторы әділет лейтенанты Г. Таткенова. - Мекемеден азаматшаны қабылдайтындары және оған баспана бойынша көмек көрсетілетіні туралы жауап келді. Сол күні А есімді азаматша бірден осы орталыққа орналастырылды. Біздің мақсатымыз - сотталушының өмірде жасаған қателігін ұғындырып, ендігі жерде оның адаспай өмірден өз орнын табуына көмектесу.