Күршім ауданының тұрғындары масалардан қорғану үшін, үйлерін тастап кетуге мәжбүр

Әр жаз сайын Күршім ауданының тұрғындары қансорғыштың шабуылына тосқауыл болмай тұрғанын айтады, деп хабарлайды Устинка LIVE тілшісі.

- Далаға арнайы торсыз сыртқа шыға алмаймыз, - дейді Боран ауылының тұрғыны Мирас Маркабаев. - Ауылдың үстінде тікұшақ сияқты гүілмен масалар төніп тұрады. Күндізгі уақытта шыдауға болады, бірақ егер ауа-райы бұлтты болса, онда бұл қанішерлер шіркеймен бірге шабуыл жасайды. Осы уақытта барлығы кетуге тырысады. Көбіне балалардың күйісі кетті.

Жергілікті тұрғындар биліктен көмек сұрауға шаршағандықтарын мойындайды.

- Заманымыз ХХІ ғасыр болсада, биліктегілер аймақтағы жәндіктер мәселесін шеше алмайды. Бұл жолы масаларды уландырды, бірақ ешқандай нәтиже болмады - деп шағымданады ауыл тұрғыны.

Күршім ауданының әкімдігі кеңес заманынан бері бұл жерде масалардың уланбағанын мойындайды. Алайда, биыл қанішерлермен күрес үшін бюджеттен шамамен 10 миллион теңге бөлінді. Бірақ шенеуніктердің өздері атап өткендей, нәтиже жоқ.

- Мамырда біз жәндіктермен күресу бойынша ауқымды жұмыстарды бастадық, - дейді Күршім ауданы ТҮКШ, жолаушылар көлігі және автомобиль жолдары бөлімінің бас маманы Гүлдана Ермекова. - Жағдайды тұрақтандыру үшін үш ауылдық округ игерілді, бұл 11 гектардан астам жер, бірақ бұл шаралар нәтижесіз болды. Енді күзде тағы бір дезинфекция жүргізуді жоспарлап отырмыз.

Масалардың жағдайын түсіндіру үшін жергілікті әкімшілік тіпті аймақтағы университеттердің бірінің ғалымдарынан көмек сұраған. Алайда олар әзірге ғылыми қызметкерлерден жауап алған жоқ. Белгілі болғандай, Өскеменде жәндіктермен айналысатын ғалымдар жоқ.

Жергілікті университеттің профессорлары масалардың табиғи құбылыс екенін айтып, қолдарын сілтейді.

Енді күз келіп, Күршім ауданының тұрғындары дем ала алады. Себебі күн суып, қансорғыштар баяу жоғалып бара жатыр. Ал мәселе ауданда шешіле ме, жоқ па, келесі жазда белгілі болады.