ШҚО-да көлік жүргізу құқығынан айырылған жүргізуші автобус тізгініне отырған

Тәртіп бұзушылық фактісін Өскеменде патрульдік полиция қызметкерлері жедел-профилактикалық іс-шара өткізу кезінде анықтады, деп хабарлайды Устинка LIVE тілшісі.

- Қазір жүргізуші автобусты басқарудан шеттетіліп, әкімшілік жауапкершілікке тартылды, - деп хабарлайды ШҚО ПД баспасөз қызметі. - Автобус арнайы автотұраққа шығарылды.

Қалалық әкімшілік полицияда хабарлағандай, жолаушы тасымалдаушы кәсіпорында автобусты пайдалануға жауапты тұлғаларды әкімшілік жауапкершілікке тарту мәселесі шешілуде.