Семей тұрғыны алаяқтық жасады деп айыпталуда

6 тамыз күні Әуезов полиция бөліміне 54 жастағы Абай ауданының тұрғыны келіп, шілде айының басында бейтаныс әйел қызына Медакадемияға тегін оқуға түсуге көмектесуге уәде беріп, екі миллион теңге алып, слдан бері хабарсыз кеткендігін мәлімдеген, деп хабарлайды Устинка LIVE тілшісі.

Жедел-іздестіру шаралары кезінде полиция күдіктінің жеке басын анықтады. Ол қаланың 38 жастағы тұрғыны болып шықты.

- Бұл факт ҚР ҚК-нің 190-бабы 1-бөлімі "Алаяқтық" бойынша тіркелген. Сотқа дейінгі тергеу жүргізілуде, - деп хабарлайды ШҚО ПД баспасөз қызметі.

Егер күдіктінің кінәсі дәлелденсе, оған бір мың АЕК (2,5 млн теңгеден астам) көлемінде айыппұл салынады.