Өскемендіктерді әлеуметтік көмір сатып алуға асығуды сұрайды

Өскемен қаласы әкімдігінің мәліметінше, дәл қазір арзандатылған бағамен қара отынды сатып алуға болады, деп хабарлайды Устинка LIVE.
Әлеуметтік көмірдің тоннасы 8750 теңгені құрайды, бұл нарықтағыдан 450 теңгеге төмен. Жеткізу құны - 3000-нан 6000 мыңға дейін.
Шығыс Қазақстан облысының Энергетика және тұрғын үй-коммуналдық шаруашылық басқармасы аз қамтылған азаматтар, мүгедектер және Ұлы Отан соғысының қатысушылары, интернационалист жауынгерлер, Чернобыль АЭС-індегі апат салдарын жоюшылар, зейнеткерлер, 1 және 2 топтағы мүгедектер, көп балалы отбасылар, мүгедек балалар, толық емес отбасылар, оралмандар ала алады деп түсіндірді.
Әлеуметтік көмірді алу үшін жергілікті өзін-өзі басқару комитетіне келесі құжаттарды ұсыну қажет:

• Қазақстан Республикасы азаматының жеке куәлігі, мекенжайы туралы анықтама, зейнеткерлік куәлік (жасына байланысты зейнеткер), мүгедектікті растайтын анықтама (1 және 2 топтағы мүгедектер), белгіленген үлгі бойынша көмір алуға өтініш.

Сонымен қатар, Шығыс Қазақстан облысында үш көмір шахтасы жұмыс істейді: "Қаражыра" АҚ, "Сайқан" ЖШС және "Мадина" ЖШС.