Өскемен мен ШҚО Өскеменде 49 шетел азаматы заңсыз жұмыс істеген
Бұл 16 шілдеде "Заңсыз-2019" алдын алу іс-шарасы кезінде анықталды
Өскемен қалалық полиция басқармасының хабары бойынша, 62 полиция қызметкері қалада тұрақты тұратын үш мыңнан астам шетел азаматтарының құжаттары мен уақытша тіркеуін тексерді.
Бұл азаматтардың барлығы қала аумағында заңды түрде тұрмайтыны белгілі болды. Полиция қызметкерлері ҚР заңнамасын бұзғаны үшін 49 шетелдікті және азаматтығы жоқ тұлғаларды әкімшілік жауапкершілікке тартты.
- Осы азаматтарға қатысты олардың Қазақстан Республикасында уақытша болу мерзімін қысқарту туралы шешім қабылданды, - деді Өскемен қаласы ІІД көші-қон қызметі бөлімінің бастығы, полиция подполковнигі Дәулет Асылбаев.
Сонымен қатар, Қазақстан Республикасының Әкімшілік құқық бұзушылық туралы Кодексі баптарының санкциялары бойынша бес шетелдік азамат елден шығарылды.
Айта кетейік, "Заңсыз-2019" алдын алу шарасы облыс орталығының аумағында 19 шілдеге дейін жалғасады.
