ШҚО әкімі тұрғын үйлерді 15 қыркүйекке дейін жылыту маусымына дайындауды тапсырды

ШҚО әкімі Даниал Ахметов 1 қыркүйекке дейін мектептер, аурухана, әлеуметтік мекемелерді көмірмен қамтамасыз етіп, жылу жүйелерін жөндеуді тапсырды. Сонымен қатар, 15 қыркүйекке дейін тұрғын үйлерді жылыту маусымына дайындауды бұйырды.

- Қазір жөндеу-дайындық жұмыстары жүріп жатыр, - дейді облыстық Энергетика және ТҮКШ басқармасы басшысының міндетін атқарушы Алма Қайырқанова. - Денсаулық сақтау мекемелері 59%-ға, білім беру орындары 50%-ға, әлеуметтік мекемелер 36%-ға, тұрғын үй қоры 31%-ға дайын. Сонымен қатар, отын дайындау да жүріп жатыр.

Жалпы облыс бойынша 1 млн 140 мың тонна көмір қажет. Бүгінгі таңда 74,3 мың тонна жеткізілген. Бюджеттік ұйымдарға антрацит жеткізу басталып кетті.