Өскемен мен ШҚО Тойға арналған ақшасын алаяқ сыпырып кеткен
Қызының тойын жасамақ болған қала тұрғыны танымайтын азаматқа тойхананы жалға алу үшін 167 мың теңге берген. Бірақ ақшаны алған алаяқ ізін суытқан
Бұл жағдай ағымдағы жылдың сәуір айында орын алса да, азаматша алаяқтың ұяты оянып қайтып келер деп күткен болар, полицияға тек 15 маусымда шағымданған.
Тәртіп сақшылары ақшаны алып тайып тұрған азаматтың ізіне түсіп, ақыры қолға түсірді. Ол бұған дейін істі болған 28 жастағы қала тұрғыны екен.
- Факті бойынша ҚР ҚК 190-бабы 1-бөлігі "Алаяқтық" бойынша сотқа дейінгі тергеу басталды, - деп хабарлайды облыстық Полиция департаментінің баспасөз қызметі.
Енді ұры 167 мың теңгенің орнына 1000 АЕК көлемінде айыппұл төлейді. Бұл шамамен, 2 млн теңгенің айналасы.
