Өскемен мен ШҚО 
Ертең жол жөндеу жұмыстарына байланысты Сәтпаев даңғылы бір айға жабылады
15 маусым күні таңғы 7.00-ден бастап Ертіс көпірінен ары қарай көлік қозғалысына шектеу қойылады
Өскемен қаласының әкімдігі көліктер енді қалай жүретіндігі жайында айтты.
- Fresh Market базары маңынан Байбатша көшесінің қиылысына дейінгі жол жабылады. Көліктер Есенберлин көшесімен айналып, Жастар көшесіне шығады. Ал бағыттық автобустар Сәтпаев даңғылымен қатынай береді. Ол үшін арнайы жолақ беріледі, - деп хабарлады мекеме мамандары.
"Радуга" тұрғын үй кешеніне, жабылған аймаққа енетін әлеуметтік және коммерциялық нысандарға кіру үшін көліктер айналма жол арқылы Сәтпаев-Байбатша қиылысына шығып, Ертіс көпіріне қарай жүріп барып жетуге болады.
Жөндеу жұмыстары бір айға жуық уақыт алады.
