Осы жылдың соңына дейін Меновноеге су құбыры мен кәріз тартылып бітеді

Қазір Меновноенің астаң-кестеңі шығып жатыр: жер қазылып, жол жөнделіп, құбыр салынып жатыр. Ауыр жүк көліктері көшелерге симай шаңдатып, у-шуды көбейтуде. Ал сабаққа бармақ болған балалар батпақ пен балшыққа батып, талай мазасы кетті.

Ал құбыр тарту жұмыстары былтыр басталған болатын. Қала әкімдігінің ақпараттарына қарағанда, құбыр тартылып болған соң, 1600-ге тарта адамның үйіне таза су енгізілмек.

- Қазіргі уақытта 4,3 шақырым жерге су құбыры салынып бітті. Ал 22 көшенің кәріз ұзындығы 25 шақырымға жетеді, - дейді мекеме.

Меновное кентіне барған әкім аталмыш жұмыстардың барлығы осы жылдың соңына дейін аяқталуы керек деп тапсырды.