Қазақстан Алматы облысының ауылын су басып кетті
Пиджим ауылының 270 үйінің ауласына су кіріп кетті
ҚР ІІМ ТЖ жөніндегі комитеттің хабарлауынша, қатты жауын-шашынның себебінен ауылдың Жібек жолы, Ш.Уәлиханов, Райымбек және Желтоқсан көшелеріндегі үйлерге су кіріп кетті.
Құлаған үйлер мен қоралар жоқ. Зардап шеккендер де тіркелмеді.
- Жарық пен су құбыры сынды маңызды нысандар штаттық деңгейде жұмыс істеп тұр, - деп хабарлайды комитет.
Сондай-ақ Жаркент-Хоргос тас жолын да су алып кетті. Қазіргі уақытта Панфилов аудандық әкімдігі жедел іс-шараға кірісіп, су алған аумақтарды сорғыту бойынша жұмыс жасап жатыр.