Өскемен мен ШҚО Риддерде көліктің бейнетіркегіштерін ұрлаған тұрғын ұсталды
Ұры ұстауға да дер кезінде хабарласқан тұрғынның қоңырауы себеп болған
Полиция желісіне хабарласқан 59 жастағы тұрғын белгісіз біреулердің аулада тұрған Toyota Prado көлігінің жақтау терезесін сындырып, бағасы 75 мың теңге тұратын бейнетіркегіш құралын ұрлап кеткендігін айтқан.
Полиция қызметкерлері ұстау шарасына кірісіп, ұрыны Айдархан көшесімен велосипедпен кетіп бара жатқан жерінен ұстап алған. Ал оның қолындағы үлкен сөмкенің ішінен төрт бірдей бейнетіркегіш құрал табылған. Тіпті, велосипед те ұрланған болып шықты.
- Барлығы 220 мың теңге зиян келтірген. Қазір күдікті қамауда отыр, - деп хабарлайды ШҚО ПБ баспасөз қызметі.