Өскемен мен ШҚО Шәкәрім даңғылында алты трамвай рельсі өткелі ауыстырылады
Ал рельстердің өзі арматураланады және жаңа технология бойынша бетондалады
ШҚО әкімі Даниал Ахметов Өскемендегі магистральдарға салмақ көп түсетіндіктен қаладағы бірнеше көшені кеңейтуді тапсырды.
Шәкәрім даңғылы екі бағыты болып, Абай даңғылынан Добролюбов көшесіне дейінгі жол бөлігі 7,5 метрге дейін кеңейтіледі. Реконструкция жұмыстары жеті ай көлемінде жүргізіледі.
- Шамдар мен нөсер канализациясы ауыстырылады, жаяу жүргіншілер өткелін де орнатамыз, - деді "ИНСОН" ЖШС фирмасының жобалаушысы. - Сонымен қатар, трамвай жолдары да бетондалып, рельстер арматураланады. Жаңа технология бойынша жасалады.
Бұл жоба бойынша жобалық-сметалық құжаттар сараптамадан өтіп, бюджеттен негізгі жұмыстарға 884 млн теңге және орташа жұмыстарға 200 млн теңге бөлінеді деп жоспарлануда. Даниал Ахметов мердігерді анықтап, жұмысты бастап кету үшін тендер өткізуді бұйырды.