Өскемен мен ШҚО Өскемендегі жылу жүйелерінің жартысы тозып кеткен
Ал коммуналды қызмет өкілдері қаладағы инженерлік желілердің тек 2,5%-ын ғана жөндеуге қауқарлы
Қаладағы жылу құбырларының жалпы ұзындығы 401 шақырымды құрайды. Оның 250 шақырымнан астамын ауыстыру қажет. Ал былтыр тек 9 шақырымға жуық құбырды ғана жөндеуге қаржы жеткен. Жоспар бойынша, бұдан екі есе көп құбырды ауыстыру керек болатын. Алайда жылу тарифінің төмендетілуіне байланысты қаржы да жетпей қалған.
- Былтыр Сол жақ жағалаудағы 6 шақырымнан асатын құбыр желісін балансқа алған болатынбыз. Содан орталық жылу жүйесіне 260 жаңа нысан қосылып, 686 нысанға жөндеу жасау туралы техникалық шарттар берілді, - дейді "Өскемен жылу жүйелері" АҚ техникалық директоры Талғат Қайыркенов.
Алайда орталық жылу жүйесі тартылмағандықтан, Загородный, Сол жақ жағалау, Әкім ауылдарынан келген өтініштерді кері қайтаруға мәжбүр. Ал кейбір нысандарға жылу қосылатын болса, онда құбырға гидравликалық зиян келуі мүмкін.