Өскемен мен ШҚО Өскемендік ер адамның 400 мың теңгесін алдап алып кеткен
Егде жастағы тұрғынның танысы оған келіп, несие жабу керектігін айтып 400 мың теңге сұрап әкеткен екен
Ақкөңіл азамат да оның айтқанына сеніп, ақшаны қолына ұстата салған. Аз уақытта қайтарып беремін деген сөзіне сеніп жүре берген. Алайда айтқан уақытта әкеп бермеген соң, полицияға барып арызданған.
Өскемендік тұрғынның ақшасын алдап алып кеткен азаматты табу қиын болған жоқ. Ол бұрын сотталған 31 жастағы жігіт болып шықты.
- Күдікті істеген ісін мойындап отыр. Оған "Алаяқтық" бабы бойынша қылмыстық іс қозғалуда, - деп хабарлайды Өскемен қалалық ПБ баспасөз қызметі.
Ол енді 2 жыл бас бостандығынан айырылуы мүмкін.
