Өскемен мен ШҚО Өскеменнің майдангерлері мен тыл ардагерлеріне мерекелік сыйлықтар табысталды
Ардагерлер Ұлы Жеңістің 74 жылдығына орай №21сайлау округінің қалалық мәслихатының депутаты Сергей Коротиннің атынан сыйлықтарға ие болды
Майдангерлер мен тыл ардагерлеріне жүрекжарды тілектер жазылған ашықхаттар, қалампыр гүлі, азық-түлік пен тәтті-дәмділерге толы дорбалар табысталды.
Қарттар қонақтарды қуана қарсы алды. Өздеріне деген ықылас пен құрметті байқаған қариялардың көңілдері босап, көздеріне жас алды.
- Майдангерлермен кездесу қашанда толқынысқа толы, - дейді №21сайлау округі депутатының көмекшісі Галина Андреева. - Ардагерлермен қосыла жылап-күлеміз. Жыл сайын айтулы мерекемен құттықтау дәстүрге айналды. Кейбіреулері шынымен де осы базарлықтарға мұқтаж, кейбірі мұқтаж емес... Бірақ ең бастысы – көңіл. Қариялар біздің келгенімізге шын қуанады. Ал ол бізге де қуаныш сыйлайды.
Жыл өткен қан майданда от кешкен майдангерлер қатары сиреп бара жатқаны жанға батады. Көзі тірі ата-әжелерімізге құрмет көрсетіп, тағзым етіп, мықты денсаулық тілейміз!