Белгісіз біреу қала тұрғынын соққыға жыққан

Қабанбай батыр көшесімен кетіп бара жатқан азаматқа белгісіз біреу тап берген

Оқиға 28 сәуір күні орын алған. Күтпеген жерден таяқ жеген 32 жастағы азамат дереу полицияға шағымданған.

Азаматтың айтуынша, таңғы сағат бестеп шамасында себепсізден себепсіз белгісіз бір азамат тап беріп, соққыға жыққан.

Тәртіп сақшылары ізін суытпай белгісіз шабуылшының кім екенін анықтады. Ол бұрын істі болған 35 жастағы қала тұрғыны екен.

- Қазір күдікті учаскеге жеткізілді, - деп мәлімдеді Өскемен қалалық Полиция бөлімінің баспасөз қызметі. - Шабуыл бойынша ҚР ҚК 293-бабы 1-бөлігі бойынша сотқа дейінгі тергеу жүргізілуде.

Тақырыптар: Избили мужчину в Усть-Каменогорске Хулиганство в Усть-Каменогорске Полиция Усть-Каменогорска