Өскемен мен ШҚО ШҚО-да заңсыз қару-жарақтарды сатып алуға 10 млн теңге бөлінді
Қазақстанда 10 сәуірден бастап заңсыз қару-жарақтарды сатып алу акциясы басталды
Тәртіп сақшылары мұндай акцияны қылмыстың алдын алу мен қоғамдық қауіпсіздікті қамтамасыз ету үшін жасап отыр.
ШҚО Полиция департаментінің хабарлауынша, қару-жарақтарын еркін өткізген азаматтарға республикалық бюджеттен қаржы беріледі.
- Тіркелмеген қару-жарақтар мен жарылғыш заттарды, оқ-дәрілерді тапсырған азаматтар қылмыстық жауапкершіліктен босатылады, - дейді ШҚО ПД баспасөз хатшысы Айгерім Нұрғазина.
Полиция департаменті атап өткендей, қару-жарақтарды сатып алуға биыл былтырғыдай 10 млн теңге бөлініп отыр.
