Өскемен мен ШҚО Шүлбі қоймасында құтқарылған бірқазандар далаға жіберілді
Шүлбі су қоймасына қонып, тоңып қалған құстарды мамандар былтыр желтоқсан айында тауып алған
Облыстық табиғи ресурстары мен табиғат пайдалануды реттеу басқармасының мамандары оларды Өскемендегі жануарлар саябағына әкеп жіберген еді.
- Өте әлсіз болатын, ас іше алмайтын еді. Басында тұмсығын күшпен ашып, жем беріп жүрдік, - дейді қорық мұражайдың маманы Зайнитдин Шамшиев.
Құстар қыстай жылы жерде болды. Қазір біраз тояттап, толысты. Күн жылынған соң, оны еркіндікке жіберуге болады.
- Жерде, топырақта әрең жүргенімен, бұл құстар ұшқанда ешкімге дес бермейді. Аспанада ұзақ ұша алады. Қайда ұшарын да өздері шешеді. Сондықтан Сол жақ жағалау кешенінің су қоймасына жіберілді, - дейді қорық мұражайдың баспасөз қызметі.
