Өскемен мен ШҚО 
Өскеменде сенбілік өтуде
Күн жауын болса да, №8 жергілікті өзін-өзі басқару комитетінің тұрғындары аула тазалауға шықты
Добролюбовь көшесіне қарасты 41-ші және 43-ші үйлердің тұрғындары сенбілік жасап, ауласын тазалады. Тіпті, аулаға дастархан жайылып, тонған жұртқа ыстық шәй мен тіске басар берілді. Қалай дегенмен ауа райы біраз салқын болды.
- Сенбілікке өз еркіміз шықтық. Ірі аулаларды тазалауға тұрғын үй пәтер иелерінің шамасы келмейді. Дастарханды да өзіміз әзірледік, бәлішті де өзіміз пісірдік, - дейді жергілікті өзін-өзі басқару комитетінің ардагерлері кеңесі төрайымы Раиса Катрук.
Осы күні Карбышев, Гагарин бульвары, Добролюбовь көшесінің де тұрғындары сенбілікке шықты.
- Шамамен, 200-300 адам сенбілікке шықты. Қала тұрғындарының белсенділігі жоғалмаса екен, - дейді жергілікті өзін-өзі басқару комитетінің директоры Олеся Салимбаева.
