Өскеменде ғимарат төбесінен құлаған сылақ дүкеннің есігін сындырды

Құлаған сылақтың гүрсілі тұрғындарды шошытып тастады.

- Досым екеуіміз Металлургтер көшесімен өтіп бара жатқанбыз. Маңайда полицейлер қоршап, өрт сөндірушілер мен дәрігерлер жүр екен. Үйдің төбесіне қарап шошып кеттік. Үлкен цемент сылағы тура дүкеннің үстіне кеп құлаған екен, - дейді куәгерлердің бірі.

Төтенше жағдай мамандары келіп, маңайды ретке келтіріп кетті. Дүкен жұмыс істеп тұр.

- Дүкеннің кіреберісі облыстық қазына есебінен жөнделетін болады, - дейді "Строй Арсенал" ЖШС қызметкері Алина Сельдикова.

Ешкім зардап шеккен жоқ.