Өскемен мен ШҚО Өскеменнің ЖМК ауданында да ауа нашарлауда
Тауға жақын жатқан бұл ауданды тұрғындардың көбі ауасы жағынан таза деген ойда жүретін
Алайда бұл ауданға орнатылған датчиктер ауа құрамының нашарлағанын дәлелдеп отыр. Көкжал Барақ көшесінде мектеп жанына орнатылған датчик ауданда азот диоксидінің нормадан ауытқып кеткенін көрсетуде.
Ал ауа датчиктері бұл маңайға жақында ғана орнатылған. Бұған дейін ол Әуезов даңғылының жас техниктер аялдамасы маңында болған.
Бұл датчиктер алты түрлі қоспаның мөлшерін өлшеп отырады. Оның ішінде азот диоксидінің ЖМК ауданында артық екендігі белгілі болып отыр. Оның үстіне, қаланың өзге аудандарымен салыстырғанда мүлдем көп болып шыққан. Экологтар азот диоксидінің автокөліктен көп бөлінетіндігін айтады.
