Өскемен мен ШҚО ШҚО тұрғындары енді бірыңғай төлем жүйесіне жарна аудара бастамақ
Әлеуметтік жарналарды бірыңғай төлем жүйесіне аудару туралы заңға кейі тұрғындар наразылық танытуда
Мәселен, Өскемен қаласының Алина Құрбатова есімді тұрғыны 40 жыл бойы жұмыс жасағанымен, бірде-бір жерде ресми түрде тіркеліп жұмыс жасап көрмеген. Маникюрден бастап кәсіпорындар мен ұйымдарда есепші болып та жұмыс істеді. Бірақ еңбекақыларының барылғын қолма-қол алғанды жөн керген. Оның үстіне, көп еңбекақы алды деуге келмейді, бірақ отбасын асырауға жететін еді. Ал зейнетақы қорына жарна аударып отыру керектігін өскемендік тұрғын енді ғана біліп отыр. Өткен жылы Алинаның үйіне әлеуметтік қызметкерлер келіп, әлеуметтік төлемдер жайлы түсіндіріп айтқан. Сонда ғана алғаш естіген.
- Мен, шынымен, бірыңғай төлем жүйесі туралы айтқанда таңқалдым. Әлеуметтік мәртебемді бекітіп, сол бойынша жарна аударым керектігін сонда ғана білдім. Егер міндетті медициналық сақтандыру қорына жарна аудармасам, ертең ауруханаға қаралудан да қалады екенмін! Мерекеден кейін барып 2525 теңге төлеп қайттым. Енді ай сайын аударып отырамын, - дейді азаматша.
Ал облыста дәл Алина сияқты әлі әлеуметтік мәртебесін бекітпеген 190 мыңдай азамат бар екен.
- Олардың басым бөлігімен кездесіп әлеуметтік төлемдер жайлы толық түсіндірдік. Ал 1319 тұрғын мүлдем ресми бекітуден бас тартты, - дейді ШҚО Жұмыспен қамту және әлеуметтік бағдарламаларды үйлестіру басқармасының басшысы Елена Старенкова.
