Өскемен мен ШҚО Қазақстанда бірнеше банк несие алушылардың заңсыз комиссия алып келген
Несие беруші ұйымдар клиентіне есепшот аша отырып, одан артық ақы алып отырған
Банктердің заңсыз әрекеті жайлы "Қолжетімді құқық" қауымдастық төрағасы Рустем Қабидің айтып берді.
- Банк есепшотының үш түрі бар: жинақтаушы, ағымдағы және корреспонденттік. Одан бөлек тағы бір есепшот түрі бар. Оны банктер клиенттерге несие алған кезде ашады. Сол есепшот арқылы клиент ай сайын төлем жасап отыруы тиіс. Мұндай есепшотты банктер, негізінен, ҚР Ұлттық Банкіне бухгалтерлік есеп беріп отыру үшін ашады. Бірақ сол есепшотқа қызмет ету үшін клиенттерінен ақы алып отырады. Алайда бұл заңсыздық, - дейді Рүстем Қаби.
Қауым төрағасының айтуынша, осындай есепшоттан ақы алу арқылы кейбір клиенттер 7 млн теңгесін банкке төлеген.
Қазіргі таңда мұндай комиссия алған банктердің де тізімі белгілі: "Қазкоммерцбанк", "АТФ Банк", "Forte Bank", "Еуразиялық банк", "Альфа Банк" және "Нұрбанк".
Егер осы банктің клиенттері заңсыз комиссия алынғанын байқаса, құжаттарын жинап, құзіретті заңгерлерге жүгініп, ақысын қайтарып ала алады.