Өскемен мен ШҚО Ұлттық ұлан сарбаздары оқушыларға жауынгерлік өнерді үйретпек
Ал жауынгерлік қорғану амалдарын алдымен №4 қалалық мектеп оқушылары үйренбек
Бұл мектепте жақында ғана "Жас бүркіт" атты әскери-патриоттық клуб ашылған болатын. Енді оның шәкірттеріне өзін-өзі қорғау, жекпе-жекке шығу техникаларын үйренбек. Клуб қатарында ұл да, қыз да бар.
- Оқушыларға қыстан бастап қоян қолтық күрес тәсілдерін үйретіп жатырмыз. Біздің полигон орындарымыз бар, егер ата-аналар келіссе, жазда балаларды сонда апара аламыз, - дейді ҚР ҰҰ "Шығыс" өңірлік қолбасшысының орынбасары Ниязтай Алкешев.
Айта кету керек, Өскеменде "Жас Бүркіт" клубы бірінші рет ашылып отыр. Алдағы уақытта 15 мектептің ішінен осындай клубтар ұйымдастырылмақ.