ШҚО-да республикалық маңызы бар жолды жөндеу басталды

"Нұрлы Жол" бағдарламасы аясында "ҚазАвтоЖол" ҰК" АҚ ШҚОФ Қалбатау-Майқапшағай автокөлік тас жолының 906 км-нан 1321 км аралығында жөндеу жұмыстарын жүргізбек.

Құрылыс-монтаждау жұмыстары Қалбатау ауылын айналып өтетін 906-915 шақырымында басталып кетті. Әзірге жүргізушілер бұл аймақты айналып өтіп жүр.

- Тас жолдың басқа аймақтарында жобалық жұмыстар жүріп жатыр, - деп атап өтті ШҚО Жолаушылар көлігі және автокөлік жолдары басқармасының басшысы Нұржан Жұмаділов. - Жоспарлы аяқтау мерзімі – 2022 жыл.

Биыл облыстағы тағы бірнеше жолда орташа жөндеу жұмыстары күтіледі. Мамандар аймақтар тізімін жасап жатыр.