Өскемен мен ШҚО Мерекеден кейін қоқыспен күресуде
1 қаңтардан бастап ҚР Экологиялық кодексі іске қосылды. Соған орай, енді барлық қалдықтар сұрыпталып, кей бөлігі кәдеге жаратылады
Кодекс 2016 жылы жасалған. Бірақ ол туралы облыстың тазалығына жауап беретіндердің барлығы біле берген жоқ.
Нәтижесінде Семей қаңтар айының басында қоқыс астында қалып, шағын қалаларда заң әлі қолданылмайды,
Бір күннің ішінде Семейдегі полигонға 150 тонна қоқыс үйілген. Оған дейін қала қоқыс астында көміліп жатқан көрінеді.
- Үкімет тарапы бірнеше рет талқылап, ескерткенімен, тұрмыстық қоқыс қалдықтарын шығару бойынша кәсіпорын дайындық жұмыстарын жүргізбеген, - деп хабарлады Семей қалалық әкімдігі. - Полигон басшылығы өз кезегінде сұрыпталмаған қоқысты қабылдауға құқылы емес. Нәтижесінде қоқыс шығару тоқтатылды.
Ал қоқысты Семей қалалық коммуналды қызметі тазартқан. Үш тәулік бойы 13 арнайы техника көлігі, 8 КамАЗ бен 2 ЗИЛ, 4 жүк тиегіш қаладан қоқыс қалдықтарын шығарды, 63 адам тәулік бойы жұмыс жасады.
