Өскемен мен ШҚО Өскеменде жантүршігерлік жол апаты орын алды
Ресейлік нөмір таққан жүргізуші "он төртті" алдынан соғып, бес адамды жазып ете жаздады
Оқиға 1 қаңтар күні түнде әуежай жақтағы жолда болған.
Куәгерлердің айтуынша, ресейлік нөмір тағылған көлік жолдың қарсы бетіне шығып кетіп, қарама-қарсы келе жатқан ВАЗ-2114 көлігіне келіп соғылған. Ал жеңіл көлікте отбасылы бес адам отырған, оның бірі екіге толмаған бала болған.
Машинаның майысқаны сонша – құтқарушылар көлікті кесіп, ішіндегі адамдарды шығарған. Қуанышқа орай, барлығы аман, бірақ жарақаттары ауыр, сүйектері бірнеше жерден сынған. Олар ауруханаға жеткізілді.
Жол тәртібін бұзған жүргізуші де ауруханаға жеткізілді.
Қазір тергеу жұмыстары жасалуда.