Жаңа жылды бүкіл әлем атап өтіп жатыр

Мәселен, Ұлыбритания астанасында ірі Темза өзенінің бойында ірі пиротехникалық шоу өтті. Шоудың аты "Лондонның Еуропамен қарым-қатынасы" деп аталады. Қала билігі от шашу арқылы Лондонның Еуропа елдерімен тығыз қарым-қатынасқа дайын екендігін жеткізген. Британ баспасөзі 2019 жылдың Ұлыбритания үшін аса маңызды жыл екендігін әрі ЕуроОдақтан шығатын кезеңі болуы мүмкін екендігін айтады.

Қала тұрғындары мерекелік от шашуды толық тамашалауы үшін қоғамдық көліктерге бір күн тегін жүруге рұқсат берілді. Метрополитенде таңғы 4.30-ға дейін тегін жүруге болады.

Ал АҚШ-тың мейрамхана мен кафе желісі Жаңа жыл түні түрлі акциялар мен бонустар ұйымдастырды: бір шынаяқ кофені тегін ала отырып, мерекелік астың иесі болу үшін акциялар жасады.

Ал Біріккен Араб Әмірлігі елге келген туристерді таңқалдыру үшін Дубайда Гиннес рекордтар кітабына енген үлкен от шашу мен лазерлі шоу ұйымдастырды. Қалада қауіпсіздікті қамтамасыз ету үшін 4 мың полицей жұмылдырылған.

Германияның астанасы Берлинде ірі жаңалдық кеш өтіп, әлем жұлдыздары қатысқан концерт болды. Ал ГФР канцлері Ангела Меркель ел азаматтарын көрші елдің азаматтарымен тығыз жұмыс жасауға шақырды.

Ал Францияда жаңа жыл түні "сары күртеше кигендердің" назарығы қатар өтті. Парижде қауіпсіздік орнату үшін 12 мың полиция қызметі іске жұмылдырылды. Ал елде 150 мың полиция қызметкері қатарға тұрып, ел күзетті.