Өскемен мен ШҚО ШҚО полицейлері емделуден қашқан науқастарды іздестіруде
Облыста туберкулез дертінен көз жұмғандар мен ауырғандар көрсеткіші төмендеген. Бұл туралы ШҚО Денсаулық сақтау басқармасының басшысы Марат Шоранов ШҚО әкімдігінің отырысында мәлімдеді.
Дегенмен 27 созылмалы туберкулез ауруымен ауыратын науқастың 25-і бактериятасымалдаушы екені анықталды.
- Туберкулезді біріккен (интеграцияланған) бақылау стратегиясы жүзеге асырылуда. 15 науқас тұрғылықты мекенжайы бойынша емханаларда амбулаториялық ем қабылдаса, 12-сі қоғамнан оқшауланған жоқ, - дейді Марат Шоранов.
Сонымен қатар, туберкулездің таралмауы сол ауруға шалдыққан адамдардың жауапкершілігіне де байланысты. Тексеру барысында науқастардың емделуден бас тарту фактілері анықталған, бұл жағдай аурудың ауа арқылы таралу қаупі бар қиын емделу түріне айналуына себеп болады. Таңдаулы тексерулер нәтижесінде емделуден бас тартып, оңашалауды қажет ететін, айналасындағы адамдарға ауру жұқтыру қаупін төндіріп жүрген 82 науқасты анықтау жұмыстары жүргізілді. Нәтижесінде құқыққорғау қызметкерлері 10 науқасты, медицина қызметкерлері 49 науқасты тапты.
