Шығыс Қазақстан облысында өрттен бір адам қаза тапты

Өрт сөндірушілер келген кезде үйдегі терезелер мен есіктер, бөлмелердегі еден, жиһаз және үй иелерінің жеке заттары жанып жатқан. Арнайы тыныс алу аппараттарын киген құтқарушылар өртеніп жатқан бөлмеге кіріп, жатын бөлмеде терезенің жанында еденде жатқан 51 жастағы үй иесінің күйген денесін алып шыққан.

Өртті толығымен сөндіру үшін үш сағат уақыт кеткен. Қазір жалынның шығу себебі анықталуда.

Шығыс Қазақстан облысы Төтенше жағдайлар департаментінің баспасөз қызметі хабарлағандай, жыл басынан бері облыста 365 өрт орын алған. Мұндай оқиғалардың алдын алу үшін сарапшылар жылу пештерінің жағдайына бақылау жасауды және оларды пайдалану ережелерін сақтау қажеттігін ескертеді.