Өскемен мен ШҚО ШҚО-да өрт сөндіруші автоцистерна соғылып қалды
Өрт сөндіруші көлік дабыл белгісі мен дыбыс зорайтқышты қосқан күйінде соғылып қалған
ШҚО ТЖД хабарлағандай, бүгін сағат 17.00-де Щербакова көшесінде маршрут көлігі өртеніп жатқаны жайлы хабарлама келіп түскен. Ал оқиға орнына аттанған екі өрт сөндіру көлігінің бірі соғылып қалған.
- Бұл дерек бойынша қазір тергеу амалдары жасалуда. Өрт сөндірушілер бірден басқа көлікке отырып, оқиға орнына кетті. Ал оқиға орнына жеткеннен кейін құтқарушылар маршрут көлігінің тежегіш қалыбы тұтанғанын анықтаған, - дейді ШҚО ТЖД.
Кейін белгілі болғандай, жол көлік оқиғасынан ешкім зардап шекпеген.
