Өскемен мен ШҚО ШҚО полицейлері Тұңғыш Президент күніне орай марапатқа ие болды
Шығыс Қазақстан облысы Полиция департаментінде салтанатты концерт өтті
Концерт барысында ішкі істер органдарының қызметкерлері Ұлт көшбасшысы ұнататын музыкалық туындыларды орындады. Ал ШҚО ПД басшысы, полиция генерал-майоры Жанарбек Бақтыбаев қызметкерлерді ҚР Тұңғыш Президент күнімен құттықтады.
Ал Шығыс Қазақстанның бас полицейі тәуелсіз мемлекеттің тарихи қалыптасуы жайында сөз сөйледі.
- Президент биылғы халыққа арнаған жолдауында азаматтардың әл-ауқатын көтеру мен өмір сапасын жақсартуға көңіл қойды. Соған байланысты мемлекеттік құрылымдардың халықпен жұмыс жасау бағыты, оның ішінде құқық қорғау органдарының да халықпен жұмыс жасауын өзгертілмек. Енді құқық қорғау органдарына азаматтардың құқықтарын қорғау мен еркіндігін қамтамасыз ету міндеттеледі, - дейді Жанарбек Бақтыбаев.
Сонымен қатар, қызметін адал атқарған қызметкерлерге ынталандыру берілмек. Мәселен, Техникалық қызмет басқармасының басшысы подполковник Алексей Смитке полиция полковнигі атағы берілсе, Өскемен қаласы ПБ Ертіс полиция бөлімінің басшы орынбасары Руслан Нұрсапаровқа полиция подполковнигі атағы берілді.
Полиция подполковнигі Максим Пупков мен полиция майоры Айдар Дайырбеков ҚР ІІМ-нің Құрмет Грамотасымен марапатталса, полиция майоры Ринат Шкибаевқа "Құқық тәртібін қамтамасыз етуге қосқан үлесі үшін" медалі табысталды. ШҚО Полиция департаментінің 14 қызметкеріне "Ішкі істер органдарының үздігі" төсбелгісі берілді.