Өскемен мен ШҚО Өскемен қаласында жергілікті өзін-өзі басқару комитеттеріне автокөлік сыйланды
Қала әкімінің орынбасарына қызметтік көлік сатып алудың орнына жергілікті өзін-өзі басқару комитеттеріне автокөлік берілді
Жергілікті өзін-өзі басқару комитеттері Өскемен қаласының шағын аудандарында ұйымдастыру жұмысымен айналысады. Олардың міндетіне аумақтың санитарлы тазалық жағдайын тексеру, тұрғын үй қатынастары мен коммуналды мәселелерді шешу, тағы басқа жұмыстар жатады.
- Халықпен кездесу кезінде жергілікті өзін-өзі басқару комитеттерінің мамандары елге ең жақын жүретін жандар екендігіне көзім жетті. Азаматтардың әл-ауқатын көтеруге де бірінші болып атсалысатын дәл осы мамандар, сондықтан біз оларға қолдау көрсетеміз. Қиындықтар көп, ал оны уақтылы шешу үшін белсенді болу керек. Сол үшін автокөлік керек, - дейді Өскемен қаласының әкімі Жақсылық Омар.
