Өскемен мен ШҚО 2021 жылы Шмелев Лог және Красин ауылдарына су беріледі
Өскемен қаласының осы шағын аудандарындағы сумен жабдықтау және канализация желілерін қайта құру басталды
Шмелев Лог және Красин ауылының тұрғындары бірнеше рет судың жоқтығына шағымданған болатын. Көптеген үйлер су алу үшін ондаған метрлік ұңғымаларды бұрғылаған болатын. Алайда бұл мәселені шешуге көмектеспеді.
- Біз "Нұр және К" мердігерімен келісімшартқа қол қойдық, биыл желілерді қайта құру басталды, - дейді кәсіпорын директоры Ержан Әубәкіров. - Жоба инвестициялық бағдарламадан қаржыландырылады. Жобаны түзетуге тура келді. Кейбір жайттар ескерілмеді, соның салдарынан сома жарты миллиард теңгеге ұлғайтылды.
Осы ауылдардағы сумен жабдықтау және канализация желілерін қайта құру жұмыстарын аяқтау 2021 жылға жоспарланған. Шмелев логтағы жұмыстың құны миллиард теңгеден асады, биылғы жылы 16% игерілді. Красин кентін сумен қамтамасыз етуге екі миллиардтан астам қаражат жұмсалады. Мұнда жұмыстар биылғы жылы 5% ғана орындалды.
