Өскемен мен ШҚО Зырянда өрт кезінде ер адам қаза болды
Қайғылы оқиға өткен сенбі күні Серебрянск қаласындағы Серебрянская көшесіндегі бес қабатты тұрғын үйде оран алды
Үстіңгі қабаттан түтіннің исін сезген көршілер өрт сөндіру қызметін шақыртып, көршілерге ескертіп, далаға шыққан.
Өрт үшінші қабаттағы екі бөлмелі пәтерден шыққан. Мамандар есікті ашып кірегн уақытта жалын қонақ бөлмені түгел шарпыған. Өрт сөндіру кезінде 69 жастағы үй иесінің денесі табылды.
ШҚО ТЖД баспасөз қызметі ұсынған ақпараттарға сүйенсек, қазіргі уақытта өлім себептері анықталу үстінде.
Мамандар тілсіз жауды жылдам ауыздықтап, көрші пәтерлерге жайылуына жол бермеді. Жалпы өрт алаңы 10 шаршы метрді құрады. Өрттің шығуына өрт қауіпсіздік шараларын сақтамау себеп болуы мүмкін деген нұсқа қарастырылуда.